ডিস্ট্রিক্টকী মরমদা

ঊখ্রূল ডিস্ট্রিক্ট অসি মনিপুরগী অৱাং থংবা সরুক্ত লৈবা, মহৌসাগী ফজবনা থল্লবা চীংগী ডিস্ট্রিক্ট অমনি।ডিস্ট্রিক্ট অসি ফজবা মচু কয়ানা লৈতেংবা তাংখুল জাতিনা নমনা তাই অদুগা কুকি অমদি অতৈ জাতিশিংনা মশিং য়ামদনা খুন্দাই।

ঊখ্রূল ডিস্ট্রিক্ট অসি অহান্বা ওইনা সব-ডিভিজন অমা ওইনা শক ১৯১৯ ব্রিটিস-ইন্দিয়াগী মতমদা শেমখি। শক ১৯৬৯ দা ইন্দিয়া গোভর্মেন্টনা মনিপুর-ইস্ট হায়না মমিং থোন্দুনা ডিস্ট্রিক্ট অমগী থাক্তা ওনখত্খি, অদুগা শক ১৯৮৩ দা তেংনৌপল অমসুং চান্ডেল ডিস্ট্রিক্টকী শরুক খাইদোকখি, ডিসেম্বরগী তাং ৮, ২০১৬ তনা কামজোং ডিস্ট্রিক্ট খাইদোকখিদুনা হৌজিক ওইরিবা ডিস্ট্রিক্টকী শরুক অসি ওইরকখি।

ডিস্ট্রিক্ট অসিদা সব-ডিভিজন ৪ রুরেল ডিভলপমেন্ট ব্লোক ৪ গা চানানা লৈরি। ডিস্ট্রিক্ট অসি কামজোং ডিস্ট্রিক্ট য়াওরিঙৈদা পাক চাউব স্ক্বার কিমি ৪,৫৪৪ ওইরম্মী, শক ২০১১ গী মীকোক থীবদা মীশিংনা ১,৮৩,৯৯৮ ওইখি, অদুগা লাইরিক হৈবগী চাংনা চাদা ৮১.৪ ওইরি।

ঊখ্রূল ডিস্ট্রিক্টকী অৱাংদা নাগালেন স্টেট লৈরি, নোংপোক্ত ময়ান্মার, মখাদা কামজোং ডিস্ট্রিক্ট অদুগা নোংচুপতনা কাংপোকপী অমদি সেনাপতি ডিস্ট্রিক্ট লৈরি। ডিস্ট্রিক্ট অসি চীংগী সরুক ঙাক্তনা ওই, ৱাংবগী চাংনা সমুদ্র ইমাঈদগী মিঃ ৯১৩ দগী ৩১১৪ ফাওবনা ওইরি। ডিস্ট্রিক্ট হেডক্বাটর অসি ইম্ফালদগী কিমি ৮৪ রোম লাপনা লৈ, অচমবা বসতা চৎপদা পুং ৩ ফাওবা চঙবা য়াই।

মফম অসি মনিপুরগী মফম অতৈগা চাংদম্নবদা থোইদোক্না ইংবা অমদি য়াম্না নুঙাইব মফম অমনি অইংবগী চাং অসি ৩ºC তগী ৩৩ºC ফাওবা ওই। নোংজুগী চাংনা চাংচৎতা ১,৭৬৩.৭ মিমিঃ (১৯৯১) নি। ঊখ্রূল ডিস্ট্রিক্ট ময়োন অসি সমুদ্র ইমাঈদগী মিঃ ২,০২০ ৱাংই।