শিরুই চীং

ময়াম্না শকখঙনরবা শিরুই কশূঙ চীংদোন অসি সমুদ্র ঈমায়দগী মিঃ ২৮৩৫ ৱাংই। মরুওইবা তুরেল অয়াম্বা শিরুই চীংদোন অসিদগী হৌরকলি। শিরুই ঊখ্রূল তাউন্দগী কিমিঃ ১৮ অদুগা ইম্ফালদগীনা কিমিঃ ৯৭ গুম্না লাপকনি। মফম অসি পৃথি ফাওনা মমিং চৎলিবা শিরুই ( সিরোই ) লিলি (Lilium Mackliniae) গী ময়ুম ওইরি। শিরুই লিলি অসি এফঃ কিংদম ৱার্ড কৌবা  ব্রিটিস বোটানিস্ট অমনা ইং ১৯৪৮দা তোঙান্বা লৈগী শকওং শদাগী লৈনি হায়না পুথোকখি। লোকেল ওইবা মমিংদি কশোং তিরাৱোন হায়না কৌই। চহী খুদিংগী য়ামনা তাঙনা শাৎপা লৈ অসিবু য়েংবা মফম কয়াদগী লমকোইবশিং লাক্লি। ইচম চমবা মান্বা লৈ অসি মে – জুনগী মতমদা চীঙথক অসিদদমক শাৎলি।