টুরিজম

সমুদ্র ইমাঈদগী ফুৎ ৫,৪৫৩ ৱাংবদা খুন্দারিবা মফম্নি। ঊখ্রূল তাওন অসিদা য়াম্না হরাও তরাম্লবা তাংখুল নাগা ৭৫০০০ হেন্না অতৈ মপালগী মীওই খরগা লৈমিন্নরি। ঊখ্রূল ডিস্ট্রিক হেডক্বার্তর অসি ইম্ফালদগী নেস্নেল হায়ৱে ১৫০ দা কিমিঃ ৮৪ রোম চৎলগা লৈ, মসি চাউরাক্না পুং ৩ লোমগী খোঙচৎ ওইগনি। হায়ৱে অসিনা ঊখ্রূলগা কোহিমাগা জেসামি ফাওরগা শম্নহল্লি।

2011 সেন্সসকী মতুংইন্না ঊখ্রূল ডিস্ট্রিককী লাইরিক হৈবগী চাং অসি চাদা ৮১.৮৭ ওইরি। মফম অসিদা লোল মখল ২৫০ রোম তোঙান তোঙান্বা খুলশিংদা ঙাঙনরি অদুবু হুনফুন ( ঊখ্রূল ) গী লোল অসিনা ময়ামগী ফাওন লোল ওইরি।

ঊখ্রূলগী অঈং-অশা অসি য়াম্না নুঙাইবা চাংদা 3°C দগী 33°C ফাওবগী মনুংদা লৈ। চাংচৎতা নোংচুবগী চাংনা মিমিঃ১,৭৬৩.৭ (১৯৯১) নি। ঊখ্রূলদা কালেনগী মতমদা নোংতাই অদুগা নিংথম থাদদি কংই অদুগা ঈংই। ঊখ্রূলদা এপ্রিল থাদগী অগস্ট থা ফাওবদি নোং তাই অদুগা ওক্তোবর দগী মার্চ থা অসিনা কোইরকপদা খৃাইদগী নুঙাইবা মতম্নি।

ঊখ্রূল অসি মসিগী চহীচুপ্পা লৈবা কুম্মৈশিংগী দমক মমিং চৎলি, মসিনা তুরিস্ট কয়াবুসু কোইবা লাকহল্লি। মরু ওইবা কুম্মৈশিংদি লুইরা (মরু মরাং হুন্বগী কুম্মৈ), মংখাপ ( পোথা কুম্মৈ ) অমসুং থারিও ( লৌরোক কুম্মৈ ) অসিচিংবনি। কুম্মৈশিং অসিদা তাংখুলশিংগী মেঙলবা নিংথিরবা নাৎকি ইশৈ অমদি জগোইগী মওংশিংনা অউবশিংবু শুমহৎলি।

ঊখ্রূল শিরুই লিলি (Lilium Mackliniae Sealy) গীদমক মমিং চৎলি, লৈ অসি ঊখ্রূল তাওন্দগী কিমিঃ ১৮ নোংপোক্লোমদা চৎলগা লৈবা শিরুই কশোংগী চীংথক্তা মহৌশাগী ওইনা ফংই। অদুগা কিমিঃ ১৬ চৎলগা লৈবা খাংখুই শুরুং গী দমকসু মমিং চৎলি। মশক্নাইরবা পার্কশিং, চীংদোলশিং অমদি ঈশিংচাইবী কয়া অনকপা অমসুং অকোইবদা লৈরি। দনকান পার্ক অমদি এল শাদাই পার্ক অসি লমকোইবশিংগী পিক্নিক চৎপগী মফমচারবা মফমনি। খায়াংগী ঈশিংচাইবী অমসুং অঙ্গোচীংগী অশুকপা উমং অসি লমকোইবা অমদি থৱাই য়াওবশিংনা হেন্না থিজিন্বা য়াবা মফম কয়া লৈরি। লুংহার সিহাই ফাংরৈ হানৌগী লমপাক ওইরিবা চীংদুম অমসুং কচৌফুং পাৎ অসি ঙৈহাক পোথাফমগী নুঙাইরবা মফম্নি। ঈশিংচাইবী কয়া, শুরুং কয়া, চীংদোন কয়া ঊখ্রূলগী লমিৎ-তুমিৎকী মনুঙদা লৈরি, মসিনা মফম অসিবু গ্রিন তাওন কৌনরি। অতোপ্পা নুঙাইগদবা মফমশিংদি শিংচা কাচুই, মোভা শুরুং, মারাং থুমখোঙ, কচাই চমপ্রা, শিরারাখোং মোরোক, শংশক লান নিংশিং খুবম অসিনচিংবা কয়ানি।

অদোম্না নোর্থ-ইস্ট ইন্ডিয়াগী অনৌবা মফমশিং, অনৌবা চীংদোনশিং থীজিন্বা পাম্লবদি ঊখ্রূল অসি অমনি। শিরুই কশোং চীংথক্তা মে অমসুং জুনগী মতমদা লিলিনা মরাংকাইনা শাৎলি। খাংখুই মংসোর শুরুং অমসুং মোভা শুরুং অসি আর্কিলোজিদা থৱাই য়াওজবা কয়াগী পুক্নিং চীংশিন্নঙাইনি।